रेणुका स्तोत्रम् Renuka Stotra

 रेणुका स्तोत्रम् Renuka Stotra

Renuka Stotra is in Sanskrit. It is from Vayu Purana. It is created by Parshuram. Goddess Renuka had told that the devotee who recite this stotra every day, will receive money, The devotee who wants wife/husband will get it. Who is ill will be cured. 

 रेणुका स्तोत्रम्

श्रीगणेशायनमः । श्रीसरस्वत्यैनमः । श्रीगुरुभ्योनमः ।

श्रीरेणुकाांबायनमः ।

ॐनमः परमानंदेसर्वदेवमयी शुभे ।

अकारादिक्षकारांतं मात्रकामंत्रमालिनी ॥ १ ॥

एकवीरे एकरुपे महारुपअरुपिणी ।

अव्यक्ते व्यक्तिमापन्यगुणातीते गुणात्मिके ॥ २ ॥

कमले कमलाभासे हृत्सत्प्रक्तर्णिकलये ।

नाभीचक्रस्थिते देवी कुंडली तंतुरुपिणी ॥ ३ ॥

वीरमाता वीरवंद्या योगिनी समयप्रिये ।

वेदमाता वेदगर्भे विश्र्वगर्भे नमोस्तुते ॥ ४ ॥

रानमातर्नमस्तुभ्यं नमस्त्रैलोक्य रुपिणी ।

महदादिदं पंचभूत जमदग्निप्रियाशुभे ॥ ५ ॥

यैस्तु भक्त्या स्तुता ध्याता अर्चयित्वा पिते शिवे ।

भो मोक्षप्रदे देवि कामेश्र्वरि नमोस्तुते ॥ ६ ॥

नमोस्तुते निरालंबे परमानंद कवचविग्रहे ।

पंचभूतात्मके देवी भूतभावविवर्जिते ॥ ७ ॥  

महारौद्रे महाकाय सृष्टेसंहारकारिणी ।

ब्रह्मांडगोलकाकारे विश्र्वरुप नमोस्तुते ॥ ८ ॥

चतुर्भुजे खड्गहस्ते महाडमरुधारिणी ।

शिरःपात्रधरे देवी एकवीरे नमोस्तुते ॥ ९ ॥

नीलांबरे नीलवर्णे मयूरपिच्छधारिणी ।

वनभिल्लधनुर्वामे दक्षिणे बाणधारिणी ॥ १० ॥

रौद्रकाये महाकाये सहस्त्रार्जुनभमजनी ।

येकं शिरः पुरा स्थित्वा रक्तपात्रे च पूरितं ॥ ११ ॥

मृतधारापिबं देवी रुधिरं दैत्यदेहजं ।

रक्तवर्णे रक्तदंते खड्गलांगलधारिणी ॥ १२ ॥

वामहस्ते च खट्वांगं डमरु चैव दक्षिणे ।

प्रेतवाहनके देवी ऋषिपत्नी च देवते ॥ १३ ॥

येकवीरे महारौद्रे मालिनी विश्र्वभैरवी ।

योगिनी योगयुक्ता च महादेवी महेश्र्वरी ॥ १४ ॥

कामाक्षी भद्रकाली च हुंकारी त्रिपुरेश्र्वरी ।

रक्तवक्रे रक्तनेत्रे महात्रिपुरसुंदरी ॥ १५ ॥

रेणुकासूनुयोगी च भक्तानां अभयंकारी ।

भोगलक्ष्मीर्योगलक्ष्मी दिव्यलक्ष्मीश्र्च सर्वदा ॥ १६ ॥   

कालरात्रिमहारात्री मद्यमांसशवप्रिये ।

भक्तानां श्रीपदे देवी लोकत्रयविमोहिनी ॥ १७ ॥

हृींकारी कामपीठेच हृींकारी च प्रबोध्यता ।

श्रींकारीच श्रिया देवी सिद्धलक्ष्मीच सूप्रभा ॥ १८ ॥  

महालक्ष्मीश्र्च कौमारी कौबेरी सिंहवाहिनी ।

सिंहप्रेतासने देवी रौद्री क्रूरावतारिणी ॥ १९ ॥

दैत्यमारी कुमारीच रोद्रदैत्यानिपातिनी ।

त्रिनेत्रा श्र्वेतरुपा च सूर्यकोटीसमप्रभा ॥ २० ॥

खड् गिनी बाणहस्ता च आरुढमहिषवाहनी ।

महाकुंडलिनी साक्षात्कंकाली भुवनेश्र्वरी ॥ २१ ॥

कृत्तिवासा विष्णुरुपा हृदया देवतामया ।

देवमारुतमाता च भक्तमाता च शंकरी ॥ २२ ॥

चतुर्भुजचतुर्वक्रे स्वस्तिपद्मासनस्थिते ।

पंचवक्र महागंगा गौरीशंकरवल्लभा ॥ २३ ॥

कपालिनी देवमाता कामधेनुस्त्रोगुणी ।

विद्या एकमहाविद्या स्मशानप्रेतवासिनी ॥ २४ ॥

देवत्रिगुणत्रैलोक्या जगत्रयविलोकिनी ।

रौद्रावेतालीकंकालीभवानी भयवल्लभा ॥ २५ ॥  

कालिकापालिनी क्रोधा मातंगी वेणुधारिणी ।

रुद्रस्य न पसाभूता रुद्रदेहार्धधारिणी ॥ २६ ॥

जया च विजया चैव अजया अपराजिता ।

रेणुकायै नमस्तेस्तु सिद्धदेवी नमोनमः ॥ २७ ॥

श्रियं देवी नमस्तेस्तु दीननाथे नमो नमः ।

जयत्देवदेवत्वस्वं सर्वदेवीनमोस्तुते ॥ २८ ३

देवदेवस्य जननी पंचप्राणप्रपूरिते ।

त्वतप्रसादाय देवेशी देवा क्रंदति विष्णवे ॥ २९ ॥

महाबले महारौद्रे सर्वदैत्यनिपातिनी ।

आधाराबुद्धिताशक्तिः कुंडली तंतुरुपिणी ॥ ३० ॥

षट्चक्रमणे देवी योगिनी दिव्यरुपिणी ।

कामिका कामरक्ता च लोकत्रयविलोकिनी ॥ ३१ ॥

महानिद्रा मद्यनिद्रा मधुकैटभभंजनी ।

भद्रकाली त्रिसंध्या च महाकाली कपालिनी ॥ ३२ ॥

रक्षिता सर्वभूतानि दैत्यानां च क्षयंकरी ।

शरण्यसर्वसत्वानां रक्ष त्वं परमेश्र्वरी ॥ ३३ ॥

त्वामारादहयते लोके तेषां राज्यं च भूतले ।

आषाढे कार्तिके चैव पूर्णेपूर्णचतुर्दशी ॥ ३४ ॥

आश्र्विने पाोषमासे च कृत्वा पूजांप्रयत्नतः ।

गंधपुष्पैश्र्च नैवेद्यैस्तोषितां पंचभिः सह ॥ ३५ ॥

यं यं प्रार्थयते नित्यं तं तं प्राप्नोति निश्र्चितं ।

तत्वमेवरदे देवी रक्ष मां परमेश्र्वरी ॥ ३६ ॥

तव वामांकितं देवी रक्ष मे सकलेश्र्वरी ।

सर्वभूतोदये देवी प्रसादवरदे शिवे ॥ ३७ ॥

श्रीदेव्युवाच ॥

वरं ब्रूहि महाभाग राज्यं कुरु महीतले ।

ममाराध्यते लोके भयं कापि न विद्यते  ॥ ३८ ॥

मममार्गे च यायांती भोदेवी मम सन्निधौ ।

अभार्यो लभते भार्यां निर्धनो लभते धनं ॥ ३९ ॥

विद्यापुत्रमवाप्नोति शत्रुनाशंच विंदति ।

अपुत्रा लभते पुत्रान् बद्धो मुच्येत बंधनात् ॥ ४० ॥

कामार्थी लभते कामं रोगी आरोग्यमाप्नुयात् ।

मम आराधनं नित्यं राज्यं प्राप्नोति भूतले ॥ ४१ ॥

सर्वकार्याणि सिध्यंति प्रसादान्मे न संशयः ।

सर्वकार्याणिमवाप्नोति दीर्घायुश्र्च लभेत्सुखी ॥ ४२ ॥

श्रीपरशुराम उवाच ॥

अत्र स्थानेषु भवतां अभयं कुरु सर्वदा ॥ ४३ ॥

यं यं प्रार्थयते नित्यं तं तं प्राप्नोति निश्र्चितं ।

प्रयागे पुष्करे चैव गंगासागरसंगमे ॥ ४४ ॥

स्नानं च लभते नित्यं नित्यं च चरणोदकं । 

इदं स्तोत्रं पठेन्नित्यं त्रिसंध्यं श्रद्धयान्वितः ॥ ४५ ॥

सर्वान् कामान् अवाप्नोति प्राप्यते परमं पदं ।

इति श्रीवायुपुराणे परशुरामकृते श्रीरेणुकास्तोत्रं संपूर्णं ॥

Renuka Stotra  रेणुका स्तोत्रम्